Programa da Consellería de Cultura, Lingua e Xuventude que busca favorecer a formación práctica e o contacto co tecido empresarial por parte da mocidade, o que impulsará as oportunidades de emprego xuvenil.
Os mozos e mozas beneficiarios do Sistema nacional de garantía xuvenil poderán realizar estadías formativas en empresas ou entidades públicas ou privadas vinculadas a sectores económicos estratéxicos de Galicia. Durante as estadías recibirán unha bolsa de formación dun mínimo de 690,67 euros ao mes e terán unha persoa titora encargada do seu seguimento.
A maiores destas estadías, tamén contarán cun plan formativo complementario en habilidades e competencias para o emprego, cun mínimo de 20 horas lectivas, que se poderán impartir en modalidade presencial, teleformación ou mixta.
Os destinatarios finais son as persoas mozas que formarán parte de cada un dos programas subvencionados no marco de Xuventude Mentoring na Empresa, e deberán cumprir os seguintes requisitos no momento da súa selección pola entidade beneficiaria da subvención:
RESIDENCIA EN GALICIA
18 - 30 ANOS
GARANTÍA XUVENIL
Estar empadroadas na Comunidade Autónoma de Galicia cunha antigüidade mínima dun ano.
Ter feitos os 18 anos e non superar a idade máxima que estableza a normativa vixente do SNGX (30 anos).
Estar inscritas no SNGX e figurar como beneficiarias no ámbito da Comunidade Autónoma de Galicia.
A través de Xuventude Mentoring na Empresa financiaranse proxectos de entidades privadas sen ánimo de lucro e de concellos baixo os seguintes parámetros:
Contar cun mínimo 8 e un máximo de 12 persoas mozas participantes.
O período de realización de estadías formativas nas entidades ou empresas será de mínimo 3 e máximo 4 meses consecutivos, agás causa xustificada.
As horas formativas nas entidades ou empresas nas que se realicen as estadías terán unha duración mínima de 100 horas mensuais e un mínimo de catro días semanais.
Plan formativo complementario de 20 horas lectivas como mínimo en habilidades e competencias para o emprego que será desenvolto e impartido pola entidade beneficiaria da subvención.
Persoa titora encargada do seguimento da formación das persoas participantes e que titorice, xunto coa responsable de cada empresa, as estadías formativas.
1.271.295,72 €
Total investimento Xuventude Mentoring na Empresa
100.000 €
Importe máximo por programa
Posibilidade de solicitar o 80% de anticipo
690,67 € ao mes
Bolsa de formación para a mocidade participante
Incrementándose en 100 € ao mes por custes de desprazamento e en outros 100 €/mes para o caso de persoas con discapacidade igual ou superior ao 33%
Estas axudas estarán cofinanciadas nunha porcentaxe do 60% pola Unión Europea no marco do Programa FSE+ Galicia 2021-2027, no obxectivo político 4, prioridade 5, obxectivo Específico ESO4.1, medida: 5.A.05.
EMPRESAS COLABORADORAS
| EMPRESA | SECTOR | LOCALIDAD |
|---|---|---|
| AB8 MARINE SL | Metalmecánico | Vigo |
| ALFONSO PEREZ OTERO | Tic | Vigo |
| ALPEOT SERVICIOS PROFESIONALES SL | Tic | Vigo |
| BRUNOSS FONTANERIA CB | Metalmecánico | Salceda de Caselas |
| CARPIVEDRA SL | Madeira | Pontevedra |
| CEAMSA | Agroalimentación | O Porriño |
| FIGUEIREDO SL | Pedra natural | Salceda de Caselas |
| FOPROMA METAL SL | Metalmecánico | Pazos de Borbén |
| FUNDACION DENIS SUAREZ | Calidade de vida en Benestar | Salceda de Caselas |
| HOUSE LSF SL | Metalmecánico | Vigo |
| JAVUCHO PUBLICIDADE SL | Tic | Salceda de Caselas |
| TECNOMICRA MECANIZADOS SL | Metalmecánico | Mos |
| TRNASPORTES MARSIO SL | Metalmecánico | O Porriño |
| VIGOTO UNO SL | Metalmecánico | O Porriño |
| YATCH PORT MARINAS SL | Metalmecánico | Pazos de Borbén |
| ZYON GALICIA SL | Metalmecánico | Pazos de Borbén |